Nagbitiw sa puwesto bilang chief executive officer (CEO) ng Nvidia si Jensen Huang kasunod ng kontrobersiyang kinasasangkutan ng umano’y personal niyang relasyon sa isang babaeng pinaghihinalaang espiya ng China.
Kinumpirma ng Nvidia nitong Huwebes, Nobyembre 12, na epektibo na ang pagbibitiw ni Huang bilang CEO, presidente at miyembro ng board of directors ng kumpanya, na kilala sa paggawa ng mga advanced chip para sa artificial intelligence (AI).
Itinalaga naman bilang pansamantalang CEO si Chief Financial Officer Colette Kress habang naghahanap ang kumpanya ng permanenteng kapalit ni Huang.
Nagsimula ang kontrobersiya matapos lumabas ang mga ulat tungkol sa umano’y relasyon ni Huang sa Chinese business executive na si Alice Huang, na pinaghihinalaan ng mga awtoridad sa Estados Unidos na sangkot sa intelligence operations ng Beijing.
Batay sa mga ulat ng Reuters at Agence France-Presse (AFP), nadagdagan pa ang mga alegasyon matapos maiugnay si Huang sa isa pang relasyon sa isang mataas na opisyal ng Nvidia.
Noong Nobyembre 8, inamin ni Huang sa isang mensahe sa mga empleyado na nagtaksil siya sa kanyang asawa, kasabay ng paghingi ng paumanhin sa kanyang pamilya at mga kasamahan sa kumpanya.
Naglunsad din ang Nvidia ng independent investigation upang matukoy kung naging target ang dating CEO ng isang foreign intelligence operation.
Gayunman, sinabi ng board na wala pa itong nakikitang dahilan upang maniwalang nalagay sa panganib ang mga lihim ng kumpanya o ang pambansang seguridad ng Estados Unidos.
Hindi naman nagbigay ng opisyal na paliwanag ang Nvidia kaugnay ng pagbibitiw ni Huang, na namuno sa kumpanya sa loob ng 33 taon mula nang itatag ito noong 1993.
Samantala, itinalaga si Harvey C. Jones bilang bagong chairman ng board habang nagpapatuloy ang paghahanap sa permanenteng CEO.
Nakatakda namang ilabas ng Nvidia ang pinakahuling quarterly financial results nito sa Nobyembre 17.
