CAUAYAN CITY – Nagbahagi si Labor Secretary Silvestre Bello III ng kanyang karanasan matapos yanigin ng lindol ang ilang bahagi ng Luzon kabilang ang Metro Manila.
Sa naging panayam ng Bombo Radyo Cauayan, inihayag ni Labor Secretary Bello na nasa 7th floor siya ng kanilang tanggapan nang maramdaman ang malakas na lindol.
Noong kasalukuyan ang pagyanig ay umupo lamang siya at prinotektahan ang kanya ulo at hindi siya nagpakita ng takot sa kanyang mga kawani upang hindi sila magpanic.
Ang ilan aniya sa kanyang mga kawani ay lumabas habang ang ilan ay naiwan sa kanilang tanggapan.
Matapos aniya ang pagyanig ay nagsagawa ng inspeksiyon ang mga engineer sa kanilang building at nang matiyak na ligtas na ay pinapasok na ang ilang kawani ng DOLE na lumabas .
