--Ads--
CAUAYAN CITY – Nasawi ang isang lalaki matapos na bumangga ang sinasakyan nitong motorsiklo sa isang sasakyan sa kahabaan ng pambansang lansangan na nasasakupan ng Barangay Minante Dos.
Ang 4-wheel na sasakyan ay minaneho ni Albert De Loyola habang ang biktima na tsuper ng motorsiklo ay hindi na pinangalanan.
Ayon kay De Loyola, papauwi na siya sa Rosario, Santiago City, habang ang motorsiklo ay patungo sa Poblasyon nang maganap ang aksidente.
Nagpagilid umano sila subalit sumalpok pa rin ang motorsiklo sa kanilang sasakyan at tumama pa sa windshield ang biktima.
--Ads--
Isinugod ang biktima sa pagamutan ng mga tumugong kasapi ng Rescue 922 subalit idineklarang dead on arrival.
