CAUAYAN CITY– Nagdulot ng pangamba sa mga kapit bahay ang lumiyab na tangke ng LPG Nungnungan 1, Cuayan City.
Sa panayam ng Bombo Radyo Cauayan kay Ginoong Felomino Macarilay, sinabi niya na bagong bili lamang niya ang nagliyab na tangke.
Isisindi na sana niya ang gas stove nang lumiyab ang pinagkabitan ng hose sa LPG Tank.
Sinubukan umano nilang sabuyan ng tubig ang apoy subalit nagpatuloy ang pagliyab ng LPG kung kayat nagtulong-tulong na silang magkakapit bahay na tabunan ang LPG ng mga buhangin.
Dahil sa taranta ay hindi na umano niya naisip na isara ang bulb ng LPG.
Nang dumating lang mga kasapi ng Bureau of Fire Protection o BFP Cauayan City nang tuluyan nang maisara ang valve ng tangke.
Masuwerte namang hindi nagdulot ng pagkasunog ng buong bahay ang nasabing pangyayari .
Sa pagsisiyasat ng Cauayan City Fire Station ay natuklasang hindi maayos ang pagkakabit ng hose ng regulator ng LPG kung kayat tumagas at lumiyab ito.
Matapos ang pangyayari ay pinayuhan ng BFP Cauayan City si Ginoong Macarilay na buksan nalang sa isang ligtas na lugar ang tangke dahil hindi na ito maaring gamitin dahil sa pagkakasunog ng ilang bahagi nito.
