Pumanaw na sa edad na 73 ang kilalang comic book writer na si Gerry Conway, na kabilang sa mga lumikha at nagpaunlad ng mga iconic na karakter at kuwento sa Marvel at DC Comics, kabilang ang co-creation ng karakter na Punisher sa Spider-Man comics.
Ayon sa Marvel, si Conway ay itinuturing na isang alamat sa mundo ng komiks dahil sa kanyang makabuluhang kontribusyon sa iba’t ibang serye. Pumanaw siya dahil sa pancreatic cancer noong Linggo sa Thousand Oaks, California, ayon sa kanyang asawa.
Kinilala siya sa kanyang mga gawa sa Spider-Man, Avengers, Iron Man, at Captain Marvel, gayundin sa mga mahahalagang story arc na nagbago sa takbo ng Spider-Man comics, kabilang ang pagkamatay ni Gwen Stacy.
Malaki rin ang ambag ni Conway sa DC Comics kung saan tumulong siya sa paghubog ng mga karakter tulad ng Batman, Superman, Justice League, Firestorm, Jason Todd, at Power Girl.
Ayon sa mga opisyal ng Marvel at DC, ang kanyang mga likha ay nag-iwan ng malalim na marka sa industriya ng komiks at patuloy na magiging inspirasyon sa mga susunod na henerasyon ng mga manunulat at artist.
