Inaasahang ilalabas ngayong araw ang mga kuha ng drone na pinalipad sa site Alpha na nakakitaan ng white object na hinihinalang ang nawawalang Cessna 206 plane.
Sa naging panayam ng Bombo Radyo Cauayan, inihayag ni Captain Rigor Pamittan, Chief ng Division Public Affairs Office ng 5th Infantry Division, Philippine Army na matapos gumanda ang lagay ng panahon kahapon ay pinalipad na ng Incident Management Team ang drone.
Inaasahang ngayong araw ay ilalabas ang magiging resulta ng analysis sa nakuha ng drone sa Alpha Site na sinasabing nakakitaan ng white object na hinihinalang ang nawawalang Cessna plane.
Patuloy naman ang pag-usad ng ground forces ng militar at mga rescue team and volunteers sa paghahanap sa nawawalang Cessna 206 sa mga lugar na posibleng kinaroroonan ng eroplano.
