Umabot sa rekord na ₱160.41 bilyon ang kontribusyon ng mga miyembro ng Pag-IBIG Fund noong 2025, 21% na mas mataas kumpara sa nakaraang taon.
Pinangunahan ang paglago ng koleksyon ng voluntary savings, lalo na sa Modified Pag-IBIG II (MP2) Savings Program.
Dahil sa karagdagang ₱27.61 bilyon na nakolekta, mas napapalakas ng Pag-IBIG Fund ang kakayahan nitong mag-alok ng mababang interes at suportahan ang Expanded Pambansang Pabahay Para sa Pilipino (4PH) Program.
Sa kabuuang koleksyon, ₱66.80 bilyon ang galing sa mandatory contributions, habang ₱93.60 bilyon o 58% ay voluntary contributions. Patuloy itong nagpapakita ng malakas na kultura ng pagtitipid ng mga miyembro para sa kanilang kinabukasan.
Patuloy ring hinihikayat ng ahensya ang mas maraming miyembro na magtabi ng dagdag na savings sa MP2 program dahil sa mas mataas na interes kumpara sa tradisyonal na savings plan.
