May first-round bye si Filipina tennis star Alex Eala sa women’s singles ng 2026 Asian Games matapos ilabas ang official draw ng torneo.
Bilang top seed, diretso si Eala sa second round kung saan makakaharap niya ang mananalo sa pagitan nina Thailand’s Patcharin Cheapchandej at Pakistan’s Mahin Aftab Qureshi.
Kasama ni Eala sa upper half ng bracket sina fourth seed Xiyu Wang ng China, sixth seed Moyuka Uchijima ng Japan at eighth seed Joanna Garland ng Chinese Taipei.
Samantala, haharap agad sa seventh seed na si Himeno Sakatsume ng Japan ang kapwa Filipina na si Tennielle Madis sa first round.
Sa women’s doubles, makakasama ni Eala si Shaira Hope Rivera at makakaharap ang Hong Kong pair na sina Lai Ching Laam at Kallista Liu.
Sa mixed doubles naman, makakasama ni Rivera si Francis Casey Alcantara at makakaharap ang Iranian pair na sina Kasra Rahmani at Meshkatolzahra Safi.
Magsisimula bukas, araw ng Linggo ang tennis tournament ng Asian Games.
