CAUAYAN CITY– Ramdam na ramdam na ang NBA fever sa ilang bahagi ng California dahil sold out na ang tickets para sa game 2 ng NBA finals at NBA t-shirts.
Sa naging panayam ng Bombo Radyo Cauayan kay Mayor Charlton Uy ng Cabatuan, Isabela at kasalukuyang nasa San Francisco, California sinabi niya na kahit na dumoble na ang presyo ng tickets ay sold out parin pangunahin sa lower box.
Aniya mula sa dating $200 US Dollar ay naglalaro na ngayon sa $1,000 to $2,000 US Dollar ang presyo ng tickets mula Lower Box hanggang upper box.
Sa ngayon ay may ilang otoridad na ring nakatalaga sa Chase Center kung saan gaganapin ang laro.
May ilang player ng Boston ang namataang nagsasanay bilang paghahanda sa Game 2 na magaganap bukas, bagamat natalo sa game 1 maraming Golden States Warrior Fans pa rin ang umaaasang makakabawi ito sa Game 2 dahil sa inaasahang line up nito na mapupuno ng mga beteranong manlalaro.
