--Ads--
Isang 6.9 magnitude na lindol ang tumama sa hilagang bahagi ng Japan ngayong Huwebes at naramdaman hanggang sa Tokyo. Ayon sa mga awtoridad, walang naiulat na nasawi o malubhang pinsala at walang inilabas na babala ng tsunami.
Ang lindol ay naganap sa baybayin ng Iwate Prefecture sa lalim na 50 kilometro. Pansamantalang nasuspinde ang operasyon ng Shinkansen o bullet train, ngunit nanatiling maayos ang trapiko at iba pang mahahalagang serbisyo.
Nanawagan naman ang pamahalaan sa mga residente na manatiling alerto sa posibilidad ng mga kasunod na lindol. Kilala ang Japan bilang isa sa mga bansang madalas makaranas ng lindol dahil ito ay matatagpuan sa Pacific Ring of Fire.
