CAUAYAN CITY – Patay ang driver ng isang motorsiklo matapos na mabangga ng Aluminum closed van sa national highway sa Tuao North, Bagabag, Nueva Vizcaya.
Ang biktima ay si Ronnie Limay, 26 anyos, magsasaka at residente ng Villa Aurora Diadi, Nueva Vizcaya.
Ang driver ng closed van ay si Jose Atutubo, 43 anyos at residente ng Cubao, Quezon City.
Sa nakuhang impormasyon ng Bombo Radyo Cauayan kay PSSgt. Jayson Naval, patungo sa timog na direksiyon ang Aluminum closed van at nang makarating sa nasabing lugar ay bigla umanong tumawid mula sa shoulder patungo sa kabila ng daan kaya nabangga ng van .
Tumilapon si Limay ng ilang metro mula sa kanyang motorsiklo at nagtamo ng malalang sugat sa katawan. .
Isinugod siya sa ospital subalit idineklarang dead on arrival ng kanyang attending physician.
