--Ads--
CAUAYAN CITY – Matapos ang tatlong araw na pagkawala ay natagpuan na kaninang alas otso ng umaga ang bangkay ng isang magsasaka sa ilalim ng tulay sa ilog sa San Miguel, Lunas, Isabela.
Ang biktima ng pagkalunod ay si Efren Caday, 22 anyos, residente ng Purok 3, San Miguel, Luna, Isabela.
Sa nakuhang impormasyon ng Bombo Radyo Cauayan, tumawag si barangay kapitan Ben Cacal sa Luna Police Station matapos matagpuan ang bangkay ni Caday.
Lumabas sa imbestigasyon ng Luna Police Station na huling nakita si Caday na lumalangoy sa ilog dakong alas dos ng hapon noong Lunes, ika-22 Abril at tatlong araw na nawala b ago nakita ang bangkay na palutang-lutang sa ilog.
--Ads--
