CAUAYAN CITY– Nasawi ang isang lalake matapos na malunod sa Magat Dam reservior sa Ramon, Isabela
Ayon sa Pulisya ang nalunod ay si Benidict Sion ,29 anyos, may asawa at residente ng Mapuroc, San Mateo, Isabela, Isabela.
Ayon sa pulisya binisita ng biktima ang kanilang kaanak sa Ramon, isabela.
Nagkatuwaan umano sila ng kaniyang mga kasama na mag-bangka kahit lango sa nakalalasing na inumin subalit tumaob umano ang sinasakyan nilang bangka.
Nagawa naman umano ng mga kasaman nito na makalangoy papunta sa pampang gayunman hindi na nagawa ng biktimang makalangoy.
Agad na narecover ang katawan nito makalipas ang isang oras na retrieval operation.
Ang katawan ng biktima ay agad na dinala sa isang punerarya sa bayan ng San Mateo, Isabela.
Ayon sa pulisya hindi sila nagsasawang magbigay paalala sa publiko na mag-ingat lalo na sa nagtutungo sa mga ilog lalo na at patuloy na tumataas ang naitatalang bilang ng mga nasasawi dahil sa pagkalunod.
