Senator Imee Marcos, pinangunahan ang Magat dam retrofitting ground breaking ceremony sa Ramon, Isabela

CAUAYAN CITY – Isinagawa ngayong araw ang Magat dam retrofitting ground breaking ceremony sa Ramon, Isabela na dinaluhan ni Senador Imee Marcos.

Inihayag ni Senator Marcos ang paglalaan  ng dagdag na pondo ng National Irrigation Administration (NIA) para sa retrofitting ng Magat Dam para patuloy at mapalawak pa ang mapapatubigan nito na palayan sa nasasakupan nitong area sa Isabela at mga kalapit na lalawigan.

Ayon kay Senator Marcos, may katandaan na rin ang  dam na itinayo pa noong panahon ng panunungkulan ng ama na si dating Pangulong  Ferdinand Marcos Sr.

Dagdag pa niya na maliban sa pagpapalawak sa maaabot ng patubig ay mahalaga pa rin ang pagtatanim ng mga puno ng kahoy sa Magat Dam reservoir at sa mga watershed areas.