CAUAYAN CITY- Hindi na napigilan pa ng isang Beauty Queen ang kaniyang kilig ng makaharap ang kaniyang ultimate crush sa kasagsagan ng Coronation Night ng Search for Saniata ti Nueva Vizcaya 2024.
Makikita sa mga videos ang hindi maitatagong kilig ni Miss Diadi Melar Claire Romero sa kakaibang karisma ng matinée idol at aktor na si Ian Veneracion na siyang guest sa naturang event.
Sa naging panayam ng Bombo Radyo Cauayan kay Binibining Melar Claire Romero ang Miss Saniata ti Nueva Vizcaya 2024, sinabi niya na ultimate crush nito ang actor na si Ian Veneracion kaya hindi na niya magawang maitago ang kaniyang kilig ng magsimula na itong haranahin ang mga kandidata.
Nang makarating sa kaniyang pwesto ay tila napansin na umano ng aktor ang pagbigat ng paghinga niya kaya naman nilapitan siya nito.
Aniya labis na kilig ang kaniyang nararamdaman ng mga oras na iyon kayat tuluyan na nitong niyakap ang aktor.
Matapos ang coronation night kinabukasan ay nagulat na lamang umano ito na usap-usapan na ang kaniyang video habang yumayakap kay Ian Veneracion online.
Hindi man nabigyan ng pagkakataon na magkausap sila ng personal back stage ay umaasa siya na muling magku-krus ang kanilang landas.
Samanatala, hindi pa lubos akalain ngayon ng pambato ng bayan ng Diadi na siya ang kinoronahang Saniata ti Nueva Vizcaya 2024 o Muse of Nueva Vizcaya 2024
Ayon kay Melar Claire, hindi anya nito inasahan na mananalo ito sa naturang kompetisyon. Gayunman, labis ang kanyang pasasalamat sa lahat ng taong sumuporta at nagtiwala sa kanya.
Bago siya sumabak sa stage ay dumaan muna ito sa simbahan para magdasal at laking pasasalamat niya na dininig siya ng Panginoon at ibinigay sa kaniya ang titulo.
Samantala, Pumukaw din sa mga netizen ang reaction niya ng inanunsyo ang 1st runner up na inakala niyang siya ang nakakuha.
Makikita ang labis na pagkagulat at kwelang reaction niya na hindi makapaniwalang siya ang naguwi ng korona.
Si Binibining Melar Claire Romero ay 22-taong gulang, isang criminology student at nakatakdang magtapos sa darating na buwan ng Hunyo 2024.
Siya ay dati nang sumasali sa beauty pageant at dating atleta sa larangan ng Taekwondo.
Adbokasiya niya ang Climate Action Restore, Regreening at Rehabilitation kung saan isusulong ang pagtatanim ng mas maraming mga puno para malabanan ang epekto ng Climate Change.
