Muling naitala ngayong Marso 31, 2026 ang pinakamahinang halaga ng piso sa kasaysayan matapos magsara ang trading sa P60.74 kada US dollar, mas mababa kaysa sa dating record kahapon na P60.69.
Umabot pa sa intraday low na P60.84 bago nagsara ang palitan, na nagpakita ng patuloy na presyur sa lokal na currency.
Sa kabuuan, bumaba na ng halos P1.90 ang piso mula Disyembre 2025 kung saan nasa P58.79 pa ito.
Ayon sa mga analysts, ang paghina ng piso ay dulot ng tumitinding tensyon sa Middle East na nagdulot ng pagtaas sa presyo ng langis.
Ngayong linggo, nasa $87 kada bariles ang Brent crude, na nagpalala sa inflation at nagpalakas sa demand para sa dolyar.
Kasabay nito, bumagsak ng 2.5% ang Philippine Stock Exchange Index (PSEi) noong Marso 30, 2026, indikasyon ng pangamba ng mga investors.Mga balita Pilipinas
Tiniyak naman ng Bangko Sentral ng Pilipinas na patuloy nilang binabantayan ang sitwasyon at nakatakdang magpulong sa Abril 23 upang talakayin ang posibleng monetary policy response.
