--Ads--
Inatasan ng Energy Regulatory Commission o ERC ang Manila Electric Company o Meralco na isauli sa mga konsyumer nito ang mahigit ₱2.64 bilyon na sobrang nasingil mula Enero hanggang Hunyo 2026.
Katumbas ito ng bawas-singil na mahigit ₱0.10 kada kilowatt-hour o kWh sa loob ng anim na buwan, na magbibigay ng dagdag na ginhawa sa mga konsyumer ng kuryente.
Ang refund ay nagmula sa pagsusuri ng ERC sa mga distribution charge na nakolekta ng Meralco upang matiyak na naaayon ang aktuwal na singil sa halagang pinahihintulutang kolektahin ng kompanya.
Ayon sa ERC, bahagi ito ng mandato nitong tiyaking patas ang singil sa kuryente at maibalik sa mga konsyumer ang anumang sobrang nakolekta.
--Ads--
