Dumating sa Maynila ang Chinese actress na si Zhang Yingfei AKA Linda Walker, na nakilala sa viral micro-drama “The Heiress Who Won with Brains,” para sa isang multi-day visit na nakatuon sa cultural exchange, edukasyon, at pagpapalakas ng ugnayan ng Pilipinas at China.
Ayon sa Federation of Filipino Chinese Chambers of Commerce and Industry, Inc. (FFCCCII), dumating si Zhang sa Ninoy Aquino International Airport Terminal 3 bandang hatinggabi ng Hunyo 8, kung saan siya ay mainit na sinalubong ng mga opisyal at fans.
Bahagi ng kanyang pagbisita ang pagbisita sa Intramuros at Binondo, pati na rin ang courtesy call sa Office of Manila Mayor Francisco “Isko Moreno” Domagoso, kung saan tinalakay ang cultural at tourism cooperation.
Nakatakda rin ang outreach program sa Quezon City High School sa Hunyo 9 kasama sina Education Secretary Juan Edgardo “Sonny” Angara, Quezon City Mayor Joy Belmonte, at FFCCCII leaders, kung saan magbibigay siya ng school supplies at inspirational message para sa mga estudyante.
Magkakaroon din ng public meet-and-greet sa isang sikat na mall sa lungsod sa Hunyo 10 na inaasahang dadaluhan ng mga estudyante, fans, at iba pang bisita.
