Mariing pinabulaanan ni Department of the Interior and Local Government Secretary Jonvic Remulla na may apat na matataas na opisyal ng gobyerno ang nagplano upang ipaaresto si dating Pangulong Duterte.
Sa pagdinig ng Senate Committee on Foreign Relations, ipinakita ang isang interview kay Remulla ng isang news personality noong Marso 13, kung saan natanong si Remulla kung siya ang nasa likod ng pagpapaaresto kay Duterte.
Sinabi ni Remulla na walang pagpaplano bago noong araw na inaresto si Duterte bagaman sinabi nya sa isang panayam na sila nina Pangulong Ferdinand Marcos Jr., National Security Council Adviser Eduardo Año, at Defense secretary Gilbert teodoro ang nag group effort o nagplano nung lumabas ang arrest warrant laban kay Duterte.
Giit ni Remulla, noong Marso 10 sila nag-usap at ang kanilang tinalakay ay chismis lamang kaugnay ng sinabi ni Duterte mismo habang nasa Hong kong na may palabas nang arrest warrant laban sa kanya kung saan lumabas naman noong kinabukasan ng Marso 11 ng madaling araw.
