--Ads--
CAUAYAN CITY – Labimpitong pasahero ang nasugatan matapos mabangga ng EMC Bus ang isang jeep sa Balete, Diadi, Nueva Vizcaya.
Sa naging panayam ng Bombo Radyo Cauayan, sinabi ni PCapt Felix Mendoza, deputy Chief of Police ng Diadi Police Station na lumabas sa kanilang imbestigasyon na nilampasan ng bus na minaneho ni Jefferson Parec ng Mabini, Santiago City ang sinusundang forward truck sa pakurbadang daan ngunit nabangga ang nakaparadang jeep na nagsasakay ng pasahero.
Mahigit 20 na tao ang lulan ng jeep na minaneho ni Jimmy Arevalo ng Diadi, Nueva Vizcaya at patungong Solano, Nueva Vizcaya.
Matapos mabunggo ng bus ay bumangga ang jeep sa waiting shed sanhi para mayupi ang harapan at likurang bahagi ng jeep.
--Ads--
