Sinabi ng Korte Suprema na lumilitaw na alinsunod sa mga umiiral na batas at jurisprudence ang naging sesyon ng Senado noong Hunyo 3 na nagwakas sa hindi pagkakasundo sa liderato ng kapulungan at nagresulta sa pagbabago ng pamunuan.
Sa naturang sesyon, bumoto ang quorum na binubuo ng 12 senador upang ihalal si Senador Sherwin Gatchalian bilang Senate President pro tempore, habang idineklarang bakante ang lahat ng posisyon sa Senado maliban sa Senate President.
Naupo bilang acting Senate president si Gatchalian habang iginiit naman ni Senate President Alan Peter Cayetano na hindi wasto at labag sa rules ang naturang pagbabago sa liderato.
Sa en banc notice na may petsang Agosto 26 at nilagdaan ni Clerk of Court Marife Lomibao-Cuevas, ibinasura ng Korte Suprema ang petition for certiorari na inihain nina Atty. Valeriano Loon at Atty. Zigfred Diaz.
Ayon sa Korte Suprema, hindi sapat na naipakita sa petisyon na nagkaroon ng grave abuse of discretion ang mga respondent kaugnay ng naturang Senate session.
Dahil dito, nananatili ang desisyon ng Korte Suprema na walang sapat na batayan upang kuwestiyunin ang legalidad ng naging sesyon noong Hunyo 3.
