Putol na paa ng tao, natagpuan sa ilalim ng tulay sa Cordon, Isabela

CAUAYAN CITY – Patuloy ang malalimang imbestigasyon ng Cordon Police Station para matukoy kung kanino ang natagpuan na putol na paa ng tao kaninang alas nuebe umaga sa tulay ng Malapat, Cordon, Isabela.

Nakatanggap ng tawag si PLt. Visitacion ng Santiago City Mobile Force Company, mula sa isang concerned citizen na may nakitang putol na paa ng tao sa ilalim ng Malapat bridge kaya nagtungo sila sa nasabing lugar.

Natagpuan nila ang putol na paa ng tao na may bandage, nakatali sa isang plastic bag at nakalagay sa isang karton.

Pinaniniwalaang ang putol na paa ay itinapon lamang sa nasabing lugar.

Nagsasagawa ng imbestigasyon ang pulisya para matagpuan ang iba pang bahagi ng katawan ng may-ari ng natagpuan putol na paa.