--Ads--
Nabigo sina Serena at Venus Williams sa kanilang pagbabalik sa US Open women’s doubles matapos talunin nina Chan Hao-ching at Maya Joint sa tatlong sets, 6-3, 6-7 (6/8), 7-6 (10/7).
Nakaungos pa ang magkapatid, 5-0, sa deciding 10-point tiebreaker ngunit hindi nila napangalagaan ang kalamangan hanggang sa dulo.
Ito ang unang pagkakataong naglaro nang magkasama sa Grand Slam doubles sina Venus at Serena mula noong 2022 US Open. Huli silang nagkampeon bilang magkapareha noong 2018 French Open.
Malakas naman ang naging suporta ng mga manonood sa Arthur Ashe Stadium para sa magkapatid, na kapwa tumanggap ng malakas na palakpakan nang lumabas sa court.
--Ads--
