Inaasahang makararanas ng maulap na kalangitan na may kalat-kalat na pag-ulan at thunderstorms ang ilang bahagi ng Luzon ngayong Miyerkules, Oktubre 28, ayon sa state weather bureau.
Kabilang sa mga lugar na maaapektuhan ang Aurora, Quezon, Camarines Norte, Camarines Sur, Catanduanes, Marinduque, at Oriental Mindoro.
Samantala, mararanasan ang epekto ng northeast monsoon o amihan sa Batanes, Cagayan, Isabela, at Apayao.
Bahagyang maulap hanggang maulap na kalangitan naman, na may posibilidad ng kalat-kalat na pag-ulan o thunderstorms, ang inaasahan sa natitirang bahagi ng bansa dahil sa localized weather conditions.
Ayon pa sa weather bureau, wala itong binabantayang tropical cyclone o low pressure area (LPA) sa loob at labas ng Philippine Area of Responsibility (PAR).
Narito naman ang inaasahang pinakamababa at pinakamataas na temperatura sa ilang bahagi ng bansa:
Metro Manila: 24–33°C
Baguio City: 17–26°C
Laoag City: 24–32°C
Tuguegarao City: 23–32°C
Legazpi City: 26–33°C
Puerto Princesa City: 25–33°C
Tagaytay City: 21–32°C
Kalayaan Islands: 25–33°C
Iloilo City: 26–32°C
Cebu City: 25–32°C
Tacloban City: 26–33°C
Cagayan de Oro City: 24–32°C
Zamboanga City: 25–35°C
Davao City: 25–34°C
