Nananatili ang lakas ng Tropical Depression Mirasol na huling namataan kaninang alas-7 ng gabi sa paligid ng Calanasan, Apayao. Taglay nito ang lakas ng hanging umaabot sa 55km bawat oras malapit sa gitna at may pagbugsong hanggang 90km bawat oras. Kumikilos ito pahilagang-hilagang-kanluran sa bilis na 15km bawat oras.
Mga lugar sa ilalim ng Signal No. 1:
Batanes, Cagayan kabilang ang Babuyan Islands, hilagang bahagi ng Isabela (Santo Tomas, Santa Maria, Quezon, Roxas, Delfin Albano, San Pablo, Tumauini, Cabagan, Quirino, Mallig, Maconacon, San Mateo, Aurora, Cabatuan, San Manuel, Burgos, Gamu, Reina Mercedes, Luna, Ilagan City, Divilacan), Apayao, Abra, Kalinga, Mountain Province, silangan at hilagang bahagi ng Ifugao (Mayoyao, Hungduan, Aguinaldo, Banaue, Alfonso Lista, Hingyon), Ilocos Norte, at hilagang bahagi ng Ilocos Sur (Sinait, Cabugao, San Juan, Magsingal, Santo Domingo, Bantay, San Vicente, San Ildefonso, Santa Catalina, Lungsod ng Vigan, Caoayan, Santa, Cervantes, Quirino, San Emilio, Gregorio del Pilar, San Esteban, Banayoyo, Burgos, Lungsod ng Candon, Santa Lucia, Santiago, Lidlidda, Nagbukel, Suyo, Sigay, Galimuyod, Santa Cruz, Santa Maria, Narvacan, at Salcedo).
TRACK AND INTENSITY OUTLOOK:
Sa susunod na 12 oras, tatahakin ng TD Mirasol ang hilagang-kanlurang direksyon habang tinatawid ang Northern Luzon at muling lalabas sa Luzon Strait. Inaasahang mananatili ang lakas nito habang nasa kalupaan, subalit kapag nakalabas na sa karagatan ay maaari itong lumakas at maging tropical storm sa madaling araw ng Sept. 18. Mananatiling tropical storm si Mirasol sa forecast period, bagama’t hindi rin inaalis ang posibilidad na lumakas ito sa kategoryang severe tropical storm.
