--Ads--
Hindi bababa sa 29 katao ang nasawi matapos salakayin ng mga militanteng may kaugnayan sa Islamic State ang isang bayan sa northeastern Nigeria, ayon sa mga awtoridad.
Naganap ang pag-atake sa Guyaku, Gombi local government area sa Adamawa State, noong Linggo ng gabi. Bigla umanong sumugod ang mga armadong grupo at nagbukas ng putok sa komunidad, na nagdulot ng maraming nasawi.
Inako ng Islamic State group ang responsibilidad sa insidente, habang patuloy pang inaalam kung aling faction ang direktang sangkot.
Kinondena ng mga opisyal ng Adamawa State ang pag-atake at tinawag itong malagim na insidente na muling nagpapakita ng patuloy na banta ng karahasan sa rehiyon.
--Ads--
