CAUAYAN CITY– Naitala ngayong araw sa Isabela ang tatlumpu’t siyam na panibagong kaso ng COVID-19.
Sa inilabas na abiso ng pamahalaang panlalawigan, tig-siyam sa mga bagong kaso ang mula sa lunsod ng Cauayan at bayan ng Tumauini, pito sa lunsod ng Ilagan, tig-aapat sa San Mariano at Naguilian, tig-dadalawa sa Benito Soliven at Cabagan habang tig-iisa sa Luna at San Mateo.
Pito naman ang naidagdag sa mga gumaling at nasa 349 ang aktibong kaso sa Isabela.
Isa ang Returning Overseas Filipinos , tatlo ang non-authorized persons outside residence , sampo ang Health Worker, dalawampu’t walo ang pulis at 298 ang mula sa local transmission.
Muling pinaalalahanan ng pamahalaang panlalawigan ang publiko na sundin ang mga alituntunin at huwag lumabas sa tahanan kung hindi kinakailangan.
