CAUAYAN CITY– Naitala ngayong araw sa lalawigan ng Isabela ang 64 na panibagong kaso ng COVID-19.
Sa inilabas na abiso ng Provincial Government ng Isabela, 23 sa mga bagong kaso ang mula sa Santiago City, 8 sa Luna, tig-aanim sa Cabatuan at Quirino, 5 sa San Isidro, 4 sa Angadanan, 3 sa Delfin Albano, tig-dadalawa sa Cauayan City, Ilagan City at Sto. Tomas habang tig-iisa sa Aurora at Gamu.
Dahil dito, nasa 613 na ang aktibong kaso ng COVID-19 sa Isabela.
Tatlo rito ang Returning Overseas Filipino, 12 ang non-authorized persons outside residence, 49 ang health worker, 38 ang pulis at 511 ang mula sa local transmission.
Magandang balita naman dahil 27 ang naidagdag sa mga gumaling.
Muling pinaalalahanan ng pamahalaang panlalawigan ang publiko na sundin ang mga alituntunin at huwag lumabas sa tahanan kung hindi kinakailangan.
