8 COVID-19 positive, naitala sa Isabela ngayong araw

CAUAYAN CITY– Naitala ngayong araw sa Isabela ang walong panibagong kaso ng COVID-19.

Sa inilabas na abiso ng pamahalaang panlalawigan, apat sa mga bagong kaso ang mula sa Santiago City, dalawa sa Cauayan City habang tig-iisa sa mga bayan ng Angadanan at San Mariano.

Magandang balita naman dahil 57 ang naidagdag sa mga gumaling kaya bumaba na sa 199 ang aktibong kaso sa Isabela.

Tatlo ang Returning Overseas Filipinos, 7 ang non-authorized persons outside residence, 17 Health Worker, 5 ang pulis at 167 ang mula sa local transmission.