CAUAYAN CITY– Inaresto ng mga otoridad ang isang drayber sa isinagawang drug buy bust operation na isinagawa ng mga kasapi ng Tumauini police station sa brgy. Lingaling.
Ang suspek ay si John Aldrich Isla, 23 anyos, binata,isang driver at residente ng Antagan 1st., Tumauini, Isabela.
Sa nakuhang impormasyon ng Bombo Radyo Cauayan sa Tumauini Police Station,nasamsam mula sa pag-iingat ng suspek ang P/500.00 na drug buy bust money,isang sachet ng hinihinalang pinatuyoong dahon ng marijuana, tatlong piraso ng nirolyong pinatuyong marijuana ,dalawang cellphone, isang box ng posporo na naglalaman ng pinatuyong dahoon ng marijuana at isang pakete ng sigarilyo.
Ang mga nasamsam na kontrabando kasama ng suspek ay dinala sa Tumauini Police Station para sa kaukulang disposisyon.
