CAUAYAN CITY- Ilang serye na umano ng aksidente ang naitala sa kahabaan ng Pambansang Lansangan na nasasakupan ng Mambabanga, Luna, Isabela dahil sa kasalukuyang road construction sa lugar.
Sa naging panayam ng Bombo Radyo Cauayan kay PMaj. Grandeur Tangonan, Chief of Police ng Luna Police Station, sinabi niya na kagabi lamang ay dalawang vehicular accident na ang naitala sa naturang lugar kung saan kasalukuyan pang nagpapagaling sa pagamutan ang isa sa mga sangkot.
Aniya, naglagay naman umano ngearly warning device ang Department of Public Works and Highways ngunit hindi umano ito sapat dahil kinakailangang mayroon nang warning device 500 meters bago ang construction site.
Naglagay na lamang umano sila ng blinkers sa lugar upang madali itong makita ng mga motorista.
Nakikipag-ugnayan naman na sila sa panig ng DPWH upang wala nang maitalang aksidente sa daan.
