CAUAYAN CITY- Magpapaligsahan ang mga atleta mula sa pitong delegasyon sa lungsod ng Cauayan sa kasalukuyang ginaganap na City meet.
Ang pitong delegations ay kinabibilangan ng Cauayan North District, Cauayan West District, Cauayan South District, Cauayan East District, Cauayan Northeast District, Cauayan Stand Alone, at PRISAA na kina bibilangan naman ng mahigit 1800 na mga atleta.
Ipinakita naman ng mga kawani ng Department of Education at ng mga City Officials ang kanilang suporta sa mga atleta.
Sa pahayag ni SP Member Bagnos Maximo Jr., ang naturang patimpalak ay hindi lamang aniya nagpapakita ng pagkakaisa at pagtitipon tipon ng mga atleta kundi nagpapakita na rin ng inspirasyon para sa ibang tao.
Natututunan kasi aniya ng mga atleta ang pagiging determinado at pagsusumikap kaya napakalaking bagay nito para sa mga estudyante.
