--Ads--
Hindi na daraan sa qualifying round si Alex Eala matapos mabigyan ng awtomatikong tiket sa main draw ng Stuttgart Open, na magsisimula mula Abril 13 hanggang 19 sa Germany.
Ito ay dahil nag-withdraw si Zheng Qinwen ng China dahil sa injury, kaya’t nakuha ni Eala ang pwesto ni Zheng sa main draw. Masaya ang mga taga-Stuttgart na makikita si Eala sa torneo, at hindi na siya kailangang dumaan sa qualifying round ng WTA 500 event.
Ito ay matapos ang pag-exit ni Eala sa Linz Open sa Austria, kung saan nakapasok siya sa second round. Sa opening round, tinalo niya si Julia Grabher ng Austria sa iskor na 6-4, 6-3 at natalo kay dating French Open champion Jelena Ostapenko mula sa Latvia.
