Umani ng kontrobersiya ang kampanya ng USA sa FIFA World Cup matapos payagang makalaro si star striker Folarin Balogun laban sa Belgium sa Round of 16 sa kabila ng ipinataw na red card sa nakaraang laban kontra Bosnia and Herzegovina.
Ayon sa FIFA, pansamantalang isinantabi ang awtomatikong one game suspension ni Balogun matapos umanong hilingin ni US President Donald Trump kay FIFA President Gianni Infantino na muling suriin ang kaso.
Dahil dito, umani ng batikos ang desisyon mula sa Belgian Football Association at UEFA na nagsabing maaaring maapektuhan nito ang kredibilidad at integridad ng torneo.
Si Balogun, na naglalaro para sa AS Monaco sa France, ay kasalukuyang nangungunang scorer ng USA sa World Cup na may tatlong goals.
Ang insidente ay muling nagbukas ng usapin tungkol sa mga kontrobersiyang kinasangkutan ng FIFA sa kasaysayan ng World Cup, kabilang ang mga alegasyon ng political interference at mga kuwestiyonableng desisyon sa torneo.
