Gumawa ng kasaysayan si “Wonder Woman” actress Gal Gadot bilang unang Israeli actress na binigyan ng “star” sa Hollywood Walk of Fame.
Ayon sa report , natanggap ni Gadot ang kanyang “star” noong Martes, March 18.
Kasama ng aktres ang asawa niyang si Jaron Varsano at apat nilang anak na sina Alma, Maya, Daniella at Ori.
Lumaki si Gadot sa Rosh HaAyin at unang nakilala sa kanyang bansa matapos magwagi sa Miss Israel 2004. Matapos nito, nagsilbi siya sa loob ng dalawang taon sa Israel Defense Forces bilang isang combat trainer. Sa panahong ito, lumahok siya sa isang Maxim photo shoot na nagpalakas ng kanyang kasikatan. Pagkatapos nito, nagsimula siyang magmodelo.
Ginawa niya ang kanyang debut sa telebisyon sa drama na Bubot noong 2008, at sumunod naman ang kanyang unang pelikula sa isang supporting role bilang Gisele Yashar sa Fast & Furious (2009), na kanyang ginampanan muli sa ilang mga sumunod na sequel.
