CAUAYAN CITY– Naitala ngayong araw sa lalawigan ng Isabela ang 55 panibagong kaso ng COVID-19.
Sa inilabas na abiso ng pamahalaang panlalawigan, 16 anim sa mga bagong kaso ang mula sa Cauayan City, 12 sa Ilagan City, 8 sa Ramon, tig-aapat sa Tumauini at Naguilian, tatlo sa Echague, tig-dadalawa sa Roxas, lunsod ng Santiago at San Mariano habang tig-iisa sa Gamu at Cabatuan.
Dahil dito, nasa 486 na ang aktibong kaso ng COVID-19 sa Isabela.
Walo dito ang non-authorized persons outside residence, 28 ang health worker,25 ang pulis at 424 ang mula sa local transmission.
Magandang balita naman dahil 26 ang naidagdag sa mga gumaling.
Muling pinaalalahanan ng pamahalaang panlalawigan ang publiko na sundin ang mga alituntunin at huwag lumabas sa tahanan kung hindi kinakailangan.
