CAUAYAN CITY- Nasawi ang isang lalaki matapos magsariling maaksidente sa Salinungan East, San Mateo, Isabela.
Sa nakuhang impormasyon ng Bombo Radyo Cauayan sa Rescue San Mateo, self-accident ang nangyari dahil mag-isa lamang ng biktima sa lugar na pinangyarihan ng insidente.
Nang respondehan aniya ito ng rescue team ay wala na umano silang makita na vital signs ng biktima gayunpaman ay sinubukan pa rin nila itong I-revive.
Sa naging panayam ng Bombo Radyo Cauayan kay Nurse Jonoreen Mateo, nakatalagang nurse sa emergency room, sinabi niya na wala ng buhay ang biktima nang isugod ito sa pagamutan dahil nangitim na ang balat nito.
Nagsasagawa naman na ng pagsisiyasat ang San Mateo Police Station upang matukoy ang sanhi ng insidente lalo pa walang nakakita ng maaksidente ang biktima.
