CAUAYAN CITY- Dumulog sa Bombo Radyo Cauayan ang kapatid ng isang Lalaki na ilang araw ng nawawala.
Panawagan ni Ginang Daisy Cabatan mula sa Lunsod ng Santiago na ilang araw ng nawawala ang kaniyang kapatid na si Ginoong Avelino “Belino” Cabatan , 65 years old, residente ng Barangay Cabisera 8, San Antonio, City of Ilagan na huling nakita sa Barangay 133, Kagitangan alley, Bagong Barrio, Caloocan City.
Ayon sa kaniya napadpad sa Maynila ang kanilang kapatid matapos sila magbakasyon sa kanilang kapatid na nasa Maynila.
Sa katunayan aniya nakapamasyal pa sila bago sila naunang umuwi sa Isabela habang naiwan sa Maynila si Ginoong Avelino.
Nakunan pa ng CCTV camera ang pagtulong nito na magkarga ng bahage sa sasakyan subalit ng pabalik na ito sa bahay ng kapatid ay sa ibang eskinita ito pumasok at hindi na nakalabas.
Dahil sa hinalang naligaw ay sinikap nila itong hanapin doon subalit inabot na ng ilang araw ay hindi parin nila ito nahahanap mula ng mawala siya noong January 06.
Si Ginoong Avelino ay nakasuot ng itim na sumbrero, blue t-shirt at shorts.
Sa ngayon ay humingi na rin sila ng tulong sa Pulisya para mapabilis ang paghahanap sa kaniya.
Hinid naman ito ang unang beses na magtungo ito sa Maynila gayunman ay hindi niya kabisado ang lugar.
Handa ang Pamilya Cabatan na magbigay ng pabuya sa sino mang makapag bigay ng impormasyon kung nasaan si Ginoong Avelino dahil sa labis na silang nag-aalala para sa kaniyang kaligtasan.
