Nominado ang Pinay actress na si Lorraine Wong para sa Most Popular Rising Star sa 31st Star Awards Singapore, na gaganapin sa Abril 19, 2026 sa MES Theatre.
Nakuha ni Lorraine ang nominasyon matapos ang kanyang pagganap sa Another Wok of Life (2025), isang TV series sa Singapore kung saan gumanap siya bilang Yada, isang Pilipina na naghanap ng first love sa bansa. Kasama siya sa mga award-winning actors tulad nina Jeremy Chan, Guo Liang, at Richie Koh.
Nagsimula ang karera ni Lorraine noong 2022 nang maging Second Runner-Up sa Miss Chinatown Philippines, na nagbigay daan sa kanyang pagpasok sa entertainment industry. Ang kanyang unang proyekto ay sa Regal Entertainment sa pelikulang The Day I Loved You, sinundan ng Lovers & Liars at Guilty Pleasure.
Patuloy na lumalago ang kanyang presensya sa pelikula at telebisyon, at ang nominasyon sa Star Awards Singapore ay isang malaking hakbang sa kanyang karera.
