Itinakda sa Oktubre 26, 2026 ang paggawad ng 2026 Ballon d’Or, na sa unang pagkakataon sa pitong dekada ng kasaysayan ng parangal ay idaraos sa London, England mula sa nakasanayang venue nito sa Paris, France.
Susuriin ang performance ng mga manlalaro batay sa kanilang naging laro mula Agosto 1, 2025 hanggang Hulyo 31, 2026 season.
Bahagi ito ng paggunita ng UEFA at France Football sa ika-70 anibersaryo ng Ballon d’Or, kung saan bibigyang-pugay ang unang nagwagi ng parangal na si English football legend Stanley Matthews noong 1956.
Muling umangat sa tuktok ng mga kandidatong manalo si Lionel Messi matapos ang kahanga-hangang ipinakita niya sa 2026 FIFA World Cup. Sa kabila ng paglalaro na ngayon sa Major League Soccer at wala na sa European football scene, nanatiling malakas ang kanyang pangalan matapos tulungan ang Argentina na magkaroon ng pagkakataon para sa panibagong world title.
Nanatili namang seryosong kalaban si Harry Kane matapos ang napakahusay na kampanya kasama ang Bayern Munich, ngunit naapektuhan ang kanyang tsansa matapos ang pagkabigo sa Champions League at ang hindi kagandahang resulta ng England sa World Cup.
Isa rin sa mga nangungunang pangalan si Jude Bellingham na naging lider ng England sa kanilang matagumpay na kampanya sa World Cup. Bagama’t hindi naging kasinghusay ang kanyang season sa Real Madrid, napatunayan niya ang kanyang halaga sa international stage.
Kasama rin sa lumalakas na pangalan ang mga batang manlalaro na sina Lamine Yamal at Michael Olise. Naging susi si Yamal sa kampeonato ng Barcelona sa La Liga at naging mahalagang bahagi ng Spain, habang nagtala naman si Olise ng kahanga-hangang 22 goals at 31 assists para sa Bayern Munich.
Hindi rin nawawala sa listahan sina Kylian Mbappe at Erling Haaland, gayundin ang mga midfield stars na sina Rodri at Vitinha na patuloy na kinikilala dahil sa kanilang dominasyon sa laro.
Samantala, maliit na ang posibilidad na maidepensa ni Ousmane Dembele ang kanyang titulo bilang reigning Ballon d’Or winner. Bagama’t muling nagkampeon sa Champions League ang Paris Saint-Germain, hindi naging sapat ang kanyang performance sa World Cup kasama ang France upang manatiling pangunahing paborito.
