--Ads--
Umakyat sa final ng women’s 800-meter athletics event si Filipino runner Naomi Cesar matapos pumangatlo sa kanyang heat sa 4th Youth Olympic Games sa Dakar, Senegal.
Nagtala si Cesar ng 2 minuto at 20.16 segundo sa qualifying round sa Complexe Iba Mar Diop Stadium.
Ayon kay Philippine Track and Field Association Secretary-General Jasper Tanhueco, may tsansa si Cesar na makasungkit ng medalya batay sa kanyang personal best na 2:06.24, na siya ring Philippine record.
Gaganapin ang final sa alas-1:10 ng madaling-araw bukas, Martes, oras sa Pilipinas.
--Ads--
Matatandaang nagwagi si Cesar ng gold medal sa 800-meter event ng 2025 Southeast Asian Games at silver medal sa Asian Youth Games noong nakaraang taon.
