Magiging epektibo na sa darating na April 4 ang pagtatanggal sa 45 days benefit limit na confinement period ng isang miyembro sa loob ng isang taon.
Ayon sa Philhealth, maging sa mga dependents ay sakop na rin ng bagong polisiya na nilagdaan ni Pangulong Ferdinand “Bong Bong” Marcos
Alinsunod nito, hindi na malilimitahan sa apat na pu’t limang araw ang magiging benepisyo ng lahat ng miyembro ng Philhealth kundi hanggang kinakailangan na maadmit sa isang ospital ay sakop ito ng health package
Sa panayam ng Bombo Radyo Cauayan kay Philhealth Cauayan Head Alexander Arellano, sinabi niya na magandang polisiya ang ginawa ngayon para sa mga miyembro ng Philhealth dahil sa pagpapalawig sa health benefits na maaring makuha ng ating mga kababayan
Aniya, mas matutugunan nito ang pangangailang pangkalusugan ng bawat Pilipino dahil sa mas accessible na ito para sa lahat na miyembro ng Philhealth.
