Patay na binatang may bakas ng kagat sa leeg at ari, palaisipan sa mga otoridad

CAUAYAN CITY – Palaisipan sa mga otoridad ang pagkamatay ng isang binata na nagtungo sa kanilang bukid sa Alfonso Lista, Ifugao.

Ang biktima ay si Octa Mahigan, binata at residente ng Kiling, Alfonso Lista, Ifugao.

Ito ay makaraang matagpuang patay si Mahigan sa kanilang bukid na may kagat sa kanyang leeg at sa maselang bahagi ng kanyang katawan.

Hindi naman ito kagat ng isang hayop at batay sa pagsusuri ng doktor, hindi umano ito sapat na dahilan upang siya ay mamatay.

Sisiyasating mabuti ng Alfonso Lista Police Station ang naturang pangyayari upang mabigyan ito ng linaw.