Nahalal bilang mga chairperson ng magkakahiwalay na komite sa Senado sina Senador Jinggoy Estrada at Senador Rodante Marcoleta sa kabila ng kanilang pagkakakulong kaugnay ng kasong plunder.
Sa plenaryo nitong Miyerkules, nahalal si Estrada bilang chairperson ng Senate Committee on Electoral Reforms and People’s Participation, habang itinalaga naman si Marcoleta bilang chairperson ng Senate Committee on Tourism.
Si Senate Majority Leader Juan Miguel “Migz” Zubiri ang naghain ng mosyon para sa pagkakahalal ni Estrada bilang pinuno ng electoral reforms committee matapos italaga si Senate President Pro Tempore Vicente Sotto III sa pamumuno ng Senate Committee on Public Works.
Samantala, nahalal si Senador Mark Villar bilang chairperson ng Senate Committee on Banks, Financial Institutions and Currencies, habang si Senador Robin Padilla ang mamumuno sa Senate Committees on Cultural Communities at Public Information.
Itinalaga naman si Senadora Loren Legarda bilang chairperson ng Senate Committees on Culture and the Arts at Civil Service, habang si Senadora Pia Cayetano ang mamumuno sa Senate Committee on Sustainable Development Goals.
Nahalal din si Senadora Camille Villar bilang chairperson ng Senate Committee on Government Corporations and Public Enterprises, habang si Senador Bong Go ang mamumuno sa Senate Committee on Sports and Youth.
Samantala, itinalaga si Senadora Imee Marcos bilang chairperson ng Senate Committee on Cooperatives at nahalal din bilang Deputy Minority Leader ng Senado.
