Patuloy ang pagbabanta ng Super Typhoon “Uwan” habang ito ay papalapit sa kalupaan ng Aurora Province, kung saan inaasahang magla-landfall sa gitna o hilagang bahagi ng lalawigan ngayong gabi.
Ayon sa pinakahuling ulat ng PAGASA, ang sentro ng mata ng Super Typhoon “Uwan” ay namataan sa layong 125 kilometro hilagang-silangan ng Infanta, Quezon, o 85 kilometro silangan-timog-silangan ng Baler, Aurora (15.6°N, 122.4°E).
Taglay nito ang lakas ng hanging umaabot sa 185 kilometro bawat oras malapit sa gitna, bugso ng hanggang 230 kilometro bawat oras, at kumikilos ito pa-hilagang-kanluran sa bilis na 30 kilometro bawat oras.
Nakataas na ngayon ng Tropical Cyclone Wind Signal No. 5 sa Southern portion of Quirino (Nagtipunan), the southeastern portion of Nueva Vizcaya (Alfonso Castañeda, Dupax del Norte, Dupax del Sur), the northeastern portion of Nueva Ecija (Bongabon, Carranglan, Pantabangan), and the northern and central portion of Aurora (San Luis, Baler, Maria Aurora, Dipaculao, Dinalungan, Casiguran)
Signal No. 4 sa Timog Isabela (San Agustin, Jones, Echague, Dinapigue, San Guillermo, Cordon, Santiago City, Ramon, San Isidro, Angadanan), natitirang bahagi ng Quirino at Nueva Vizcaya, bahagi ng Benguet, Pangasinan, La Union, hilagang Rizal, hilagang Quezon (Infanta, Real, General Nakar, Polillo Islands), at silangang Bulacan at Pampanga.
Signal No. 3 sa southern portion of mainland Cagayan (Tuao, Enrile, Solana, Tuguegarao City, Peñablanca, Iguig, Piat, Amulung, Santo Niño, Alcala, Rizal), the rest of Isabela, the northwestern, central, and southern portions of Apayao (Conner, Kabugao, Calanasan), Abra, Kalinga, the rest of Mountain Province, the rest of Ifugao, Ilocos Norte, the rest of Ilocos Sur, the rest of Zambales, Bataan, the rest of Tarlac, the rest of Pampanga, the rest of Bulacan, Metro Manila, Cavite, Batangas, the rest of Rizal, Laguna, the rest of Quezon, Marinduque, Camarines Norte, Camarines Sur, and Catanduanes
Signal No. 2 sa Babuyan Islands, the rest of mainland Cagayan, the rest of Apayao, Occidental Mindoro, Oriental Mindoro, Romblon, Albay, Sorsogon, the northern and western portions of Masbate (City of Masbate, Mobo, Aroroy, Balud, Mandaon, Milagros, Baleno, Uson) including Ticao and Burias Islands
Signal No. 1 sa Batanes, the rest of Masbate, and the northern portion of Palawan (Taytay, Dumaran, El Nido, Araceli, Roxas, San Vicente) including Calamian, Cuyo, and Cagayancillo Islands, Northern Samar, Eastern Samar, Samar, Biliran, Leyte, Southern Leyte, Bohol, Cebu, Siquijor, Negros Oriental, Negros Occidental, Guimaras, Iloilo, Capiz, Aklan, and Antique.
Ayon sa PAGASA, nananatiling Super Typhoon si Uwan habang papalapit sa kalupaan, at posibleng mag-landfall sa pinakamataas nitong lakas. Pagkatapos nitong tumama sa lupa, tatawirin ng bagyo ang mabundok na bahagi ng Hilagang Luzon, partikular sa Nueva Vizcaya, Benguet, at Ifugao, bago ito lumabas sa Lingayen Gulf o sa baybaying dagat ng Pangasinan o La Union.
Bagama’t inaasahang hihina habang nasa kalupaan, mananatili pa rin ito bilang isang typhoon sa buong pagtawid nito sa Northern Luzon.
Sa susunod na mga araw, tutungo ito pa-hilagang-kanluran sa Martes, Nobyembre 11, habang nananatiling nasa typhoon category. Pagsapit ng Miyerkules, Nobyembre 12, ay tutungo ito pa-hilagang-silangan patungong Taiwan Strait, kung saan inaasahan itong magla-landfall sa kanlurang bahagi ng Taiwan sa Huwebes, Nobyembre 13, bago tuluyang humina at maging remnant low o mahinang tropical depression sa paligid ng Ryukyu Islands.
Patuloy ang paalala ng mga awtoridad sa mga residente sa mga lugar na nasa ilalim ng Tropical Cyclone Wind Signal Nos. 3 hanggang 5 na manatili sa ligtas na lugar, sundin ang mga kautusan ng lokal na pamahalaan, at iwasan ang paglabas sa mga coastal at mababang lugar dahil sa banta ng storm surge, pagbaha, at pagguho ng lupa.
