Pinagmulta ng Department of Labor and Employment o DOLE ng kabuuang ₱4.9 milyon sina dating Ateneo basketball coach Tab Baldwin at Ateneo de Manila University kaugnay ng umano’y paglabag sa mga requirement para sa Alien Employment Permit o AEP.
Batay sa ipinataw na parusa, nagmulta ang DOLE laban kina Baldwin at Ateneo dahil umano sa hindi paghahain ng Certificate of Exemption para sa AEP.
May hiwalay ding ₱10,000 multa kina Baldwin at Ateneo dahil umano sa kawalan ng Alien Employment Permit ni Baldwin habang nagtatrabaho bilang basketball coach sa unibersidad.
Samantala, ipinasusuri na rin sa Bureau of Immigration ang posibleng pagsasagawa ng summary deportation proceedings laban kay Baldwin kaugnay ng usapin sa kanyang employment permit.
Si Baldwin ay dating head coach ng Ateneo Blue Eagles at naging bahagi ng koponan sa ilang tagumpay nito sa UAAP.
