VAT sa system loss charge sa kuryente, aalisin na ng BIR

Inihahanda na ng Bureau of Internal Revenue (BIR) ang Revenue Memorandum Circular na magpapatupad sa pagtanggal ng Value-Added Tax o VAT sa naturang singil, alinsunod sa direktiba ni Pangulong Ferdinand R. Marcos Jr.

Ayon sa BIR, ilalabas ang circular 15 araw matapos mailathala ng Energy Regulatory Commission (ERC) ang Resolution No. 26, Series of 2026, na nag-uuri sa system loss charge bilang pass-through cost.

Inaasahang makatutulong ang hakbang upang mabawasan ang pasanin ng mga konsyumer sa kanilang bayarin sa kuryente.