CAUAYAN CITY- Dead on arrival sa ospital ang 22-anyos na si Mark habang sugatan ang dalawang kasamahan nito na pawang mga menor de edad matapos sumalpok ang sinasakyang motorsiklo sa isang puno sa Luna, Isabela.
Sa imbestigasyon ng hanay ng Luna Police Station, dakong alas tres y media ng madalin araw ay binabaybay ng mga nabanggit na indibidwal ang Provincial road ng Brgy. Centro 3, Luna, Isabela at nang makarating sa may palikong bahagi ng kalsada ay dito nawalan ng kontrol ang drayber nito na nagresulta upang salpukin ang punong nasa tabi ng kalsada
Agad na nirespondehan ng mga Luna Rescue Team ang mga biktima at itinakbo sa isang pribadong ospital sa lungsod ng Cauayan ngunit sa kasamaang palad ay idineklarang dead on arrival ang drayber nito na si Mark
Ayon sa imbestigasyon, nasa impluwensiya ng nakalalasing na inumin ang mga tatlong nabanggit na indibidwal
Samantala, mas paiitingin naman ngayon n Luna Police Station ang kanilang kampanya sa pagbibigay impormasyon sa mga nasasakupan nito
Ayon kay PMajor Are-J Caraggayan, Chief of Police ng Luna Police station, mas papaigtingin pa nila ngayon ang kanilang pagmomonitor sa mga kabataan sa kanilang nasasakupan
Aniya, mahalaga na mapangaralan an mga ito nang sa ganoon ay hindi na maulit pa ang nangyari
