CAUAYAN CITY – Nasamsaman ng nasa 12 plastic sachet ng hinihinalaang shabu ang isang lalaki sa pagsisilbi ng search warrant sa kanyang bahay sa Centro, San Antonio, Ilagan City .
Sa panayam ng Bombo Radyo Cauayan kay Ginoong Robert Plaza, ang action officer ng MASA MASID – Provincial Office, ang suspek ay si Rodolfo Cabanos Jr., 36 anyos, at residente ng nabanggit na lugar.
Hinuli si Cabanos ng magkasanib na pwersa ng Ilagan City Police Station, PDEA Region 2 at MASA MASID Taskforce.
Ang search warrant laban kay Cabanos ay ipinalabas ni Judge Raul Babaran ng 2nd Judicial Region ng RTC Branch 19 Cauayan City na nagresulta ng pagkakaaresto sa suspek at pagkakasamsam ng isang container ng candy na naglalaman ng 12 plastic sachet na hinihinalaang shabu.
Ang suspek ay dinala na sa himpilan ng pulisya kasama ang nasamsam na ilegal na droga para sa kaukulang dokumentasyon at disposisyon.
