Plano ngayon ang Pamahalaan ng Pilipinas at Indonesia natalakayin ang planong ipagpalit si Alice Guo, para sa isang Australian na wanted ng Jakarta sa kasong drug trafficking, ayon sa Department of Justice (DOJ) kasunod ng pag-aresto sa na-dismiss na Bamban, Tarlac, mayor sa Indonesia.
Inihayag ni Gilberto Cruz, executive director ng Presidential Anti-Organized Crime Commission (PAOCC), na nasa kustodiya na ng Indonesian police si Guo at nanatili sa isang hotel sa Lungsod ng Tangerang sa kanluran ng Jakarta sa lalawigan ng Banten.
Iniulat ng media ng Indonesia na ang Manila at Jakarta ay nakikipag-usap na ipagpalit si Guo kay Gregor Johann Haas, na naaresto sa Bogo City sa Cebu noong Mayo matapos maglabas ng red notice ang Interpol laban sa Australian para sa umano’y pagpuslit ng droga, isang malaking paglabag sa Indonesia.
